المساعد الشخصي الرقمي

مشاهدة النسخة كاملة : نسيتون انتل التلفزيون


منصور الرميح
11-11-2011, 09:51 AM
صحيح ... نسيتون انتل التلفزيون .... انا اذكركم به
لما جات التلفزيونات الاوله ... ما عندنا دش ولا قمر صناعي ولا غيره ... كل اللي عندنا محطات ارضية ... السعودية الاولى والسعودية الثانية ... واطلقنا عليها غصب واحد وغصب اثنين ... لأنه غصبا عليك تطالعهم , ما فيهم إلا اهم ....
وحيث اننا على الخليج وعلى البحر .... فاللي عنده انتل تلفزيون صار يطلع عنده البحرين والكويت وابو ظبي والبصرة وبعض ايران .... ..... هذا الانتل :
http://i39.tinypic.com/2najl03.jpg

زين من هو اللي يطلع عنده هالدول ... ساعات ما تطلع ... عاد احنا ما نخلي الاختراعات ... فجاء اختراع غطاء الصفرية ... نحط غطا الصفرية على الانتل ونسويه مثل الدش الحين ... أو مشخال ...

زين الانتل على صوب واحد ... تبغي تطلع البحرين تلفه على البحرين ... تبغي تطلع الكويت تلفه على الكويت ..
ويش نسوي حتى تطلع عندنا ...
يطلع واحد على السطح حتى يلف ... وواحد تحت ... واللي على السطح يصرخ هاه طلعت .... الثاني لا بعد اشوي ... يميين شوي .... لالالالالا يسار شوي ... بسسسسسس طلعت ...
وما تطلع اللي من كبده ....

زين جينا الى التكنولوجيا ... وطورونا ... طلعوا لنا جهاز الريموت ..... تركبه على الانتل ... وتحت عندك الروتيتر يسمونه شديه ... وتلف ... تبغون تشوفونه تفضلوا :
http://i40.tinypic.com/1072t80.jpg

وطبعا اللي عنده هالروتيتر ... اوووووووووه ملك .....

اشوفكم بعافية

منصور الرميح
11-11-2011, 09:53 AM
اوووووه نسيت اقول لكم من وين جات كلمة انتل أو انتن ... اهيه من الكلمة الانجليزية
antenna

وبعضهم كانوا يسمونه ايريل تلفزيون

منصور الرميح
11-11-2011, 10:00 AM
بالمناسبة ما فيه ريموت بعد للتغيير .... وتصير الذبحة
قوم غير ... لا قوم غيّر انت .. انا تعبان ...

روح الولايه
11-12-2011, 10:07 AM
(بعــد بعــد , بس بس يميــن يســار ) صــوت وصراخ ليــن تطلــع القنــاه

ذكرى ماننساهــا أبــد ودايمــاً نتذكرهــا مع الأهــل ...

وكانت جلستنا جنب التلفزيــون أســرع لتغيـيـر أو مستلقين على الأرض والرجـل ممــدودة ونستخدمـها في ترفيــع وتنزيـل الصــوت والتغيــر ...

,,

الأب منصور

تعجــز الحروف للشكــر على هيــك ذكرى .

abrar hussain
11-14-2011, 06:11 AM
مع حديث الأهل ولما يتكلموا عن ذكريات أول

يقولو
بالرغم من أن القنوات معدوده
الا أنهم كانو يستمتعون بالمشاهده أفضل من الأن

وعدم وجود "الريموت"
لكن كانو أكثر نشاطاً وعادي >>أما الحين الريموت يضيع تنقلب الدنيا على من يقوم يغير القناه

اما بالنسبه ل(لأنتل)

فـ يكون واحد بالسطح وواحد يكون تحت
ويقوم الصراخ ها طلعت المحطه واالا ماطلعت:yahoo_youkiddingme:

ومع هذا تكون لها رونقها الخاص


يوم تطورو وجابو لهم "الروتيتر" خفف لهم هالمعاناه


الأستاذ و العم "منصور الرميح"
يعطيك ألف عافيه
ماننحرم من جديدك

Sweetie
11-22-2011, 04:30 PM
موضوع عجيب و ممتع بالفعل
وزمانه احلى بكل تأكيد :)

تشكر و يعطيك الف عافيه

أم الحسن
12-24-2011, 03:20 AM
ضحكت من قلب
فعلا اشياء لما نتذكرها نشتاق لها ولوقتها اللي كان راسم الابتسامه على وجوهنا
الف شكر ع الموضوع لا خلا ولا عدم

ريم العيد
02-10-2012, 08:38 PM
الله يرحم ذيك الايام

كانت ايام حلووووه من جد

راحت ايام البساطه و الوناسه وما بقى الا الهم والنكد :(:(

موضوع اكثر من رائع سلمت الايادي :)

مرتجى المدلوح
02-11-2012, 01:01 AM
الله يرحم ايام اول كنت نجتمع بتلفزيون واحد ونشاهد خطير ها الاعلان هههههه

عآشقة العترة
02-17-2012, 08:22 PM
كآن مأسآة..

الله يرحم أيــآم أول كــآنت أحلى أيــآم..

ولآعاد ســآلفة لف الأنتن واحد فوق السطح وواحد بنص الدرج وواحد أقول طلعت أأو مآطلعت..هــآذي مــآتنسى :) ودآئماً نذكرها..

يعطيكـ ألف عــآفية أخوي على الموضوع الشيق..

دمت بحفظ المولى..~