المساعد الشخصي الرقمي

مشاهدة النسخة كاملة : وسائل التربيه والتأديب أيام لول


المحارب الاخير
05-21-2011, 07:04 PM
مساكم الله بالخير

العسو, الخيزرانه, المكشه, الجحيشه,قلم القدو, العقال....الخ

أسماء لأسلحه قديمه استخدمها الآباء وقبلهم الأجداد لتأديب أطفالهم

وتعليمهم السنع وقد يشمل هذا التأديب بعض الزوجات المتمردات :wip:

فكان الياهل منا من يسوي شي غلط وين يروح؟؟

أكيد يندعس ورا أمه وخايف ويرجف من الدست اللي بيحصله

وكل واحد منا يفكر أي الاسلحه راح يستخدمها أبوه لتأديبه

وكنا ندعو الله يكون الوالد مروق حزتها ويطقنا بأقل هالأسلحه إيلاما"

ونقول ان شاء الله فلعتنا او تعويرتنا والالوان البنفسجيه والزرقاء والخضراء

تختفي من جسدنا عقب اسبوع..

وكانوا لول يدلعون هالاسلحه والبعض يقوم بتلوينها او يزركشها..

وبعض الاحيان ومن شدة غضب الجد أو الأب ما عنده وقت يضيعه

او يسمع منك اي تبرير ما يمديك تقول آآ الا وذاك الراشدي لبس..:ranting:

عاد أيادي شياب قبل الله لا يوريكم ضربه واحده وانت فمان الله..

وكان الضرب حزتها يجيب نتيجه ويخلي الواحد سبع, رجال غصبا" عليه..

خخخخخخخخخخخخخخخخخ

ونلاحظ ان الاسلحه والادوات كانت كلها طبيعيه بعكس الحين..!!



ولكن دارت الأيام..!!

واختفت هالأشياء الجميله وحلت محلها أدوات مختلفه تماما"

الهوز الأحمر أو الوردي, الوايرات, عصي الصمغ والغراء, علاليق الملابس الحديديه..ألخ

والبعض يذكر الليور و العجره لكني أستبعد هالشي..

المهم هالزمن انقلبت فيه الآيه فصار الولد هو اللي يضرب أبوه..!!

واذا الطفل أخطأ ما يعاقب لأ يروحون يراضونه ويشترون له لعبه..

وهذا الضرب الموجود الحين ضرب نتيجته عكسيه فتحصل هالولد

ينطق من ابوه فالبيت ويروح المدرسه ويحط حرته فواحد من الطلاب

وصار الضرب يعلم على العنف والعناد فبدل ما كان الطفل يتأدب ويعقل

أصبح يعاند أكثر..

طبعا" أنا لا أتبنى موضوع ضرب الأبناء الضرب المبرح والموجع إنما

الضرب اللي يؤدب ويربي ويعقل..

ولا ننسى ان أجسامنا قبل تختلف عن أجسام الأجيال الحاليه

بشكل كبير جدا" لأنه كل جيل أقصر وأضعف من اللي قبله للأسف الشديد..


أنتظر إضافاتكم الجميله وتجاربكم سواء" شخصيه ويا كثرها أو حتى منقوله..



http://www.m5zn.com/uploads/2011/5/21/photo/052111 080559a1xbbf4ckwld24qihi.jpg (http://create-avatar.m5zn.com/)


http://www.m5zn.com/uploads/2011/5/21/photo/052111 080559tg4360f087yw.jpg (http://create-avatar.m5zn.com/)


http://www.m5zn.com/uploads/2011/5/21/photo/052111 080559n3ppje9.jpg (http://create-avatar.m5zn.com/)


http://www.m5zn.com/uploads/2011/5/21/photo/052111 080559q4nbmpvypnx47gbmo.jpg (http://create-avatar.m5zn.com/)



http://www.m5zn.com/uploads/2011/5/21/photo/052111 0805599syibsgzt.jpg (http://create-avatar.m5zn.com/)

روعة إحساس
05-22-2011, 03:16 AM
بصراحه موضوع جميل جدا وعجبني وايد والله يالمحارب بعلق ع صورتك الرمزيه اللي حاطها مدري ذكرتني بمنو وثانيا كلامك هذا كنك واحد من النقاء مدري سامع بها والا ...أما بخصوص الطق الوالد الله يرحمه ماكان يطقنا أبد بس ياماحصلنا فلعات من أولاد الجيران وأثرها لحد الحين في وجهنا هع والوالد الله يرحمه معروف في الفريج حقنا لانه فقدنا أخ لنا في عز شبابه مايرضى أحد يطقنا ويخاف علينا وايد والله يشهد مع انو اخواني شياطين لكن كنا نحترم ابونا ونجنن أمنا لالالالال قصدي نتدلع عليها بس صحيح مو مثل هالجيل اللي كله يعاند لا وبعد يراضونه في نهاية اليوم بعد زعله بعشوه ع المطعم وجوال ولابتوب وياريت ينفع أخي المحارب اسفه على الإطاله تقبل مروري:)

abrar hussain
05-22-2011, 03:31 AM
احنا لما كنا صغار كنا شيااطين عدل
ولماا
اامي تعصب فينا وتوصل حدهاا تقوم تضربنا >>بس بأيدها هههههه
لا والا يعصبه زياده
انها تضربنا انا واختي واحنا ع السرير نتناقز ونضحك هههههه
بس والله حماس ههههه

المحارب
سلمت الانامل ع هييك مووضوع:)
لاتحرمنا من جديدك:yahoo_clap:

المحارب الاخير
05-22-2011, 03:33 AM
حصل لنا الشرف يا روعة إحساس

لا والله للأسف ماني من النقاء

والله يرحم والدكم ويجعل مثواه الجنه

وبالنسبه للتفلع من الجيران

فحدث ولا حرج عاد من الجيران ومن غيرهم

حتى والله ناس ما نعرفهم ما تشوف الا هالقوص

وهالحجاره الصغيره وما شاء الله عليهم يعادلون علينا صح

ويختارون الأماكن بعنايه فائقه, والحين يوم كبرنا صرنا نضحك

على أيام الجهاله والشطانه..

وأما الجيل الحالي فمعظمهم مدلعين لآخر درجه

وياريت يسمعون الكلام الا عناد و راس يابس..

ما ننحرم هالطله يا روعة إحساس

http://up.arab-x.com/Feb10/Wtf21913.jpg

المحارب الاخير
05-22-2011, 03:41 AM
هلا بنت المها

ما شاء الله طلعت السوالف المدعوسه

أجل تنقز فوق السرير, حشى ديه سرير حديد مو خشب..!!

أما إنكم تضحكون وتفرحون لما تنضربون فهذي والله لاحظتها

فالجيل الجديد بشكل مو طبيعي, إما إن عندكم مناعه من الطق

وهي إما من النيدو أو السيريلاك أو عندكم واير مفصول أو محطوط غلط فالمخ..!!

خخخخخخخخخخخخخخخ

نورتينا أخيتي


http://up.graaam.com/uploads/images/graaam-415e47c413.jpg

abrar hussain
05-22-2011, 04:06 AM
هلا بنت المها

ما شاء الله طلعت السوالف المدعوسه

أجل تنقز فوق السرير, حشى ديه سرير حديد مو خشب..!!

أما إنكم تضحكون وتفرحون لما تنضربون فهذي والله لاحظتها

فالجيل الجديد بشكل مو طبيعي, إما إن عندكم مناعه من الطق

وهي إما من النيدو أو السيريلاك أو عندكم واير مفصول أو محطوط غلط فالمخ..!!

خخخخخخخخخخخخخخخ

نورتينا أخيتي


http://up.graaam.com/uploads/images/graaam-415e47c413.jpg





لا والله بس مادري ساعات لما نشوف امي تضرربنا لانو ننرفزها هع
احنا نسرع ونروح الغرفه عشان كذا نضحك :yahoo_youkiddingme::yahoo_youkiddingme:

امم الا على طاري السيرايلاك والنيدوو من زمان ماكلت منهم بكره رايحه اشتري لي
>>عمي معرس وعنده بنوته وولد وهو ياكل سيريلاك هههههه

قمة العطاء
05-22-2011, 10:40 AM
كما وصلني
ايميل عن انواع الاسلحه
بس انا ماحصلت إلا فلوس ( فلوص ) يعني يمسكون لحمة الفخد ويبرمونها بين صبعين وشوف الالوان بعدين


انواع الأسلحه عند الأمهات السعوديات

1. علاقة الملابس المصنوع من الحديد
و يستخدم عند حالات الهيجان وقت الظهيره
وداخل المنزل فقط




2. شبشب(زنوبه)
وتستخدم في حال كان الابن والابنه
بعيدا عن متناول يد الام حيث تقوم الام بالتصويب
عن بعد !
و قد تستخدم هذه الطريقه عن قرب
في حال تمكن الام من محاصرة
الابن او الابنه و تسديد ضربات متلاحقه
مستخدمه الاداة المذكوره =))





3. القرص باليد او الاذن
في حال رغبة الام بالعقاب دون أن يحس
من حولها ويكثر استخدامها
في العزايم والمناسبات وتكثر على سفرة الطعام * ملاحظه:
يكون أفضل مكآن للقرص في الفخذ من الداخل وبعد أن تتم القرصه تترك لوونآآ رآئع وهو الأزرق المموج فيمآآ تكون سودآآ إذا كآآنت القرصه قويه
:& ?{=dأاااااااااه يمه }



4. الخيزرآنه
و يتم وضعهآ في مكآن سري
و يصعب الوصول اليهآ والله لو تجي الأف بي اي ما عرفت المكان السري
و تستخدم في الحالات الطارئة التي
تحتاج الى تدخل خيزراني سريع لفك نزاع حاد وتمحط بها الام الابن او الابنه بعد مطارده سريعه في اغلب الاحيان وغالبا ماتتمركز الضربة على المؤخره والظهر


5 الخز بالعين » والغمزبهاا مع تحريك الرأس وعظ البرطم
وطبعااا تكووون بالمناسبات الكبيره
بمعنى الوعد بالبيت »تهديد ووعيد. وهي أشد أنواع التعذيب النفسي حيث يبقى الابن والابنه
على أعصابهم طوال الطلعه وهم يفكرون أش الأداءة التي ستسخدمها الأم

ياويلي ويلااااه


من منكم يستخدمها الحين ؟

Lonely Butterfly
05-22-2011, 10:32 PM
أتوقع فيه طريقه مهمه مأآآنذكرت ....

قلم آلقدو هههه ....

أتذكر عيأأإل عمي ياأآما ويأإماآ تكسرت آلآقلام على ظهورهم مسسسأآأكين خخخ ...

آلحمدلله أبوي وآمي ربي عاطيهم الحلم ومايضربووون وآلإ بالششطأإنه مأإقصرنأآ فيهم خبلنأأإهم :)

كأإنت أيأآآآم ....

دكتورة المستقبل
05-23-2011, 12:18 AM
اهم شي الملاااس


جربته مرره الله لايوريكم يعووور ههههههههههه


عجبني المووضوع شكرا

المحارب الاخير
05-23-2011, 12:50 AM
قمة العطاء

(فلوص) أو قرصة الفخذ رغم أن البعض يستخف به إلا أنها مؤلمه جدا"


Lonely Butterfly

ذكرنا قلم القدو أخيتي بس ألحين قلم القدو الزين صار عزيز ونادر والقرايه ما تكمل

والسموعه ما تحلى إلا بالقدو فمستحيل الحين الحريم يفكرون فيه كسلاح خشية فقدانه

دكتورة المستقبل

والله زين ذكرتينا بالملاس وأذكر إن هذا السلاح عادة يستخدم ما بين الحريم ضد بعضهم البعض

وأحب أزيد على الأسلحه وأذكر الشوي وذلك بتسخين سكين أو ملعقه وتحميتها

على النار ثم وضعها على جسم الطفل الشيطون وهالحركه أتمنى تحريمها دوليا" خخخخخخخخخخ

وكذلك إستخدام الشطه أو الفلفل بوضعه بفم الطفل وكانت هالحركه خاصه

للطفل الذي يتكلم بكلام بذيء و قبيح..


نورتوا الموضوع وأسعدتوا كاتبه..

موسى
05-29-2011, 11:15 PM
يسلموو ع الموضوع وربي اقراه واضحك ادكر ايام لوول كنت شيطان وكله انطق بس عادي بعدين يراضوني هع

الحق اليقين
05-29-2011, 11:40 PM
مشكور اخوي المحارب على هالموضوع اللي ماراح تخلص من الردود عليه واما قمة العطاء مع انواع الاسلحه انا واخواني وخوالي اللي اكبر منا بكم سنه جربنا رقم 1و4و5والله تعذبنا الى ان قلنا بس الى الحين سوي يستعمل العلاق بعد حديد ويبقى اثره فتره في الجسم وجربنا حرق بالسكين لانه بصراحه اعترف كنت شقيه شيطانه وحركيه وايد وايد وحلصت المقسوم

المحارب الاخير
05-30-2011, 12:06 AM
هلا والله أخوي موسى

ايه والله صدقت كانت زي المتسلسله:

شطانه > ضرب > دموع > هديه > رضى

شرفتنا والله


الحق اليقين

أنا أخبر الاولاد هم اساس الشطانه بس أول مره أدري

ان البنوتات يتشيطنون لا وينضربون بعد

والله اني جاتني حاله هستيريه من الضحك من حديثكم

بس وانا اقرأ كلامك " جربنا 1, 4, 5" وكأنك فمطعم وماسكه المينيو

وتقولين جربنا هالوجبات..!!

هههههههه


أنا أيضا" يا ما انطقيت مع العلم اني ما كنت مشاغب..

وأذكر مره من المرات لما كنا ندرس زام عصر فالواحد يوم الاربعاء

يدور النحشه حق يهرب ويروح يلعب كوووره وكان المدير نادرا" ما يجي المدرسه

يعني ما يجي الا يوم او يومين بالاسبوع لانه عنده معرض سيارات ومو فاضي لنا

ومن رداة الحظ ان هاليوم الاغبر كان المدير موجود وماسك هوز احمر الله لا يوريكم

المهم ما مدان نهرب الا وذاك الهوز الاحمر ايبب على ظهورنا فاللي خاف على ثوبه

أكلها آكال واللي ما جاب خبر الثوب ثوبه انشق وصار بالطو ابيض..

خخخخخخخخخخخخخخخخ

وللأسف من نجى من الهوز الاحمر لم ينجو من الخيزرانه يوم السبت..!!

وننتظر القصص التي لم تروى بعد..

صدى الذكرى
05-30-2011, 03:17 AM
لمحارب

شنو موضوع الرعب الي انت منزله


لا وتقول راحت الايام الحلوى ؟؟؟؟؟؟؟؟؟؟؟


كل هذا العذاب وطرق وايام حلوى ؟؟؟؟؟؟؟هههههههههههههه

الغريبه يالمحارب ان الاباء اول يضربون عيالهم ضرب ويتسنعون ويصيرون الرجال

والحين بس تقول للجاهل روح ورى شوي

الا تعقد وجاته ازمه

ليششششششش؟؟


مشكور على الموضوع المتميز

قمة العطاء
05-30-2011, 07:21 AM
انا اذكر الوالده (الله يذكرها بالخير ) ويعطيها الصحه والعافيه مره قالت لي اوصل حاجه لبيت الجيران
ورحت وجلست مع بناتهم لان كنا في نفس السن
ولمن رجعت عصبت امي .... تدرون ويش سوت ؟
اخدت عصاة المخمه الطويله وتركض وراي تضربني !!!!!!!!!!!
قلت انا في داخلي ويش سويت ؟
مجرد جلست مع بناتهم
واحصل كل هذا الضرب
حتى اختي للحين تذكر
بس انا ماكنت شيطانه ابد ابد
والدليل :: كنت انضرب من بنات المدرسه واخاف حتى اقول لااحد !!!!
ماادري ليش مااقول .. يمكن خايفه على مشاعرهم مثلا
.

.

المحارب الاخير
05-30-2011, 06:18 PM
قمة العطاء

الله يطول عمر والدتك الكريمه يا رب

وأنا صغير كنت ألاحظ ان الام والاب بشكل عام يعصبون على أقل حاجه

واحيانا يولعون من دون سبب, ويوم كبرنا عرفنا ان الضغوطات اللي تكون على الشخص

لازم تنفجر فوجه أحد, وأحيانا يحطون حرة أحد ثاني فينا إحنا لصغار

وصدق المثل اللي يقول: أبوي ما يقدر الا على أمي..

هههههههههههههههه


وعلى طاري الضرب فالمدرسه فكان فيه طلاب يكسرون الخاطر

ينضربون ويسكتون لأنهم خايفين من التهديد بما يلي:

(إن رحت اشتكيت للمدير بافقع وجهك على البيت وشلتيه بيطبون وياي)

فمن اللي بايع عمره ويروح يشتكي

خخخخخخخخخخخخخخخ


طبعا أنا كنت معروف بأني أحامي عن الضعفاء اللي ينضربون

مما أوقعني فالعديد من الصدامات مع الاصدقاء وكبارية المدرسه (علية القوم)

لدرجة اني مره من المرات قمت بمواجهة 25 طالب على البيت بمفردي بالابتدائيه

(مو لأني كنت سوبر مان ديك الحزه)

هعهعهعهعهعهعهعهعهع

شرفتينا يا قمة العطاء

صدى الذكرى
05-30-2011, 06:25 PM
لمحارب

شنو موضوع الرعب الي انت منزله


لا وتقول راحت الايام الحلوى ؟؟؟؟؟؟؟؟؟؟؟


كل هذا العذاب وطرق وايام حلوى ؟؟؟؟؟؟؟هههههههههههههه

الغريبه يالمحارب ان الاباء اول يضربون عيالهم ضرب ويتسنعون ويصيرون الرجال

والحين بس تقول للجاهل روح ورى شوي

الا تعقد وجاته ازمه

ليششششششش؟؟


مشكور على الموضوع المتميز










عادي دائما تنسى تشوف مشاركتي

وانا والله موهدفي ترد علي ..كل هدفي انك تشوف مشاركتي بموضوعك


لكم مني اجمل سلام

abrar hussain
05-30-2011, 06:35 PM
عادي دائما تنسى تشوف مشاركتي

وانا والله موهدفي ترد علي ..كل هدفي انك تشوف مشاركتي بموضوعك


لكم مني اجمل سلام

حبيبتي انتي
سمعتين عن الا يقول طنش تعش خليه مطنش هههههههههههههه

>>بس المحارب ماعتقد يسويها اكيد ماشاف الرد:yahoo_youkiddingme:

المحارب الاخير
05-30-2011, 06:42 PM
لمحارب

شنو موضوع الرعب الي انت منزله


لا وتقول راحت الايام الحلوى ؟؟؟؟؟؟؟؟؟؟؟


كل هذا العذاب وطرق وايام حلوى ؟؟؟؟؟؟؟هههههههههههههه

الغريبه يالمحارب ان الاباء اول يضربون عيالهم ضرب ويتسنعون ويصيرون الرجال

والحين بس تقول للجاهل روح ورى شوي

الا تعقد وجاته ازمه

ليششششششش؟؟


مشكور على الموضوع المتميز


هلا أختي صدى

والله الواحد أحيانا ينسى يرد أو يقول بعدين باحط رد وتضيع المسائل

والظاهر يبي لي ميموري جديده

ههههههههههههههه

والله أيام حلوه رغم الضرب الشديد اللي كنا نحصله

يكفي ان هالضرب ماراح (خالي بلاش) لا والله طلع رياييل

وناس ينشد بهم الظهر, أما الأجيال الحاليه فأيش أقول عنها؟؟؟

كل واحد ضعيف وبصو وما فيه شده ولو تهفه طاح

لا ياكلون أكل صحي ولا عاداتهم صحيه ولو تكلم واحد منهم وتقوله حبيبي بس

يضربك بأقرب ما عنده, لا الضرب نافع ولا الطيبه جايبه نتيجه وياهم

اجيال الله يستر علينا منها وتحصلين الواحد من يوصل متوسط باكيت الدخان ما يفارقه

وأذكر مره من المرات طفل صغير عمره حوالي 13 سنه شاري باكيت دخان

وداعسنه تحت البنطلون الجينز فجاء واحد كبير ينصحه ويكلمه

قام وتفل (بصق) عليه وشرد.. خليها على الله وانا خيك..

نورتي المكان يا صدى

روح الولايه
06-16-2011, 07:03 AM
تصدق يالمحارب كل وسائل هالتأديب إلي أنذكرت مالقيتها أبــد..تدري ليش ؟

يمكن لأني فاقدة أمي من أول ماوعيت على وجه هالدنيا..وكنت بحضن خواتي وحنان أبوي كفيل بتأديبي

لأني والله ماأذكر حتى نظرة غضب من عينــه حصلتهــا...الله يرحم والديي ووالديك ..وللحين يذكروني إني كنت هادئــة ...

وبتسغرب أكثرإني طلعت عصبيتي لما صرت أم لأول مرة...يعني بنتي الأولى حصلت مني كم ضربة وكم (فلوص)..

وحللتها نفسيـاً ماأدري شلون يمكن كانت موجة شطانة مكبوتة من زمان؟...وبين ضرب وصراخ وخزرة عيـن...

أتاري ألمت إيدي وبحيت صوتي وتعبت عيني بهاالأسلوب...أمــا اللحيــن كلمة عتاب تخلي البنت والولد

يخجل من نفسه ويتأسف على غلطتــه..ويجيك ويحبك فوق راسك من دون كل وسائل هالتأديب...جيل عجيب !!!!

وأباءهالجيل بعضهم إلاأنضربوا بداك الزمان ولاقوا المــر...يقولواما نبي نعامل أولادنا زي مانضربنــا..

ومخلينهــاع القارب ..

بجيــل كله ضارب ...

بيــن فاسـد وخارب...

بتحيــة أختــم لك يامحارب..

بحفظ الله وسلام يارب..

المحارب الاخير
06-16-2011, 01:07 PM
أهلا بالعزيزه روح الولايه

شرفتي المحارب بقدومك


اكتشفنا اليوم جانب آخر من حياة اختنا روح الولايه..


الواحد لما يفقد أمه وهو كبير وابو عيال يتأثر ويبكي بدل الدموع دم

فما بالك بانسان يفتح عينه على هالدنيا وما يشوف قدامه اعز انسانه..

أتعاطف معاكي أخيتي وبقوه فهالشي القاسي والذي لا يحتمل..

وهنا أتذكر هذا المثل: " يظل الرجل طفلا حتى تموت أمه فإذا ماتت شاخ فجأة "..


وبالنسبه للضرب فالحمد لله انك ما ذقتي طعمه ولا جربتيه

وأتوقع ان عصبيتك على بنتك الاولى طبيعيه نتيجة ضغوط الحياه

واخذيني انا كمثال يعني اجي اطلع بالسياره ابغي اروح عالكورنيش او عالبحر

(وصار لي كم يوم دايم اقعد عالبحر مادري ليش) واكون مروق وهااااادي

وفجأه ما اشوف الا واحد يميل علي بالسياره والا يسرع بشكل جنوني

او يقطع الاشاره والسيارات اللي فصفه واقفه والدور مو لها باسلوب همجي

وهذي على فكره زايده فالبلد هاليومين فانتبهوا منها..


شدتني بقوه هالجمله:

وأباءهالجيل بعضهم إلاأنضربوا بداك الزمان ولاقوا المــر...يقولواما نبي نعامل أولادنا زي مانضربنــا..

هؤلاء صار عندهم ردة فعل عكسيه حسب ما يذكر علماء النفس

وحتى انهم مدلليين اولادهم بشكل مبالغ فيه ويكفي اني شفت

طفل صغير فصف ثاني ابتدائي وعنده آي فون جديد لتاكيد هالدلال..


بس وش هالخاطره مادري الشعر الحلو يا روح الولايه, أشوف طلعت المواهب

ومخلينهــاع القارب ..


بجيــل كله ضارب ...


بيــن فاسـد وخارب...


بتحيــة أختــم لك يامحارب..


شكرا" جزيلا" لمرورك أخيتي والله يحفظ لك حبايبك من كل شر

يديمك ويسلمك يا نبض المنتدى

روح الولايه
06-19-2011, 04:03 AM
يظل الرجل طفلا حتى تموت أمه فإذا ماتت شاخ فجأة "..



هــذا بالنسبــة للرجل أما المــرأة يزيدها قوة تحمل..من واقـع تجربة


وبالنسبه للضرب فالحمد لله انك ما ذقتي طعمه ولا جربتيه


هـو كف واحـد من أخوي للحيـن أذكره به....بس من صج كنت وقتها عصبته

والسبب كان بينام وكنت أطقطق بديك المطرقــة أسوي لي طاولـة..وطلع لي وهو معصب قلت له: ويش عليك ...


بس وش هالخاطره مادري الشعر الحلو يا روح الولايه, أشوف طلعت المواهب


مواهب مبتدئة و موجــودة من زمـان ولي بخليج الأدب

الله أكبر.. ياحسين ..حجك وين صـار؟! (http://www.khaleejsaihat.com/vbo/showthread.php?t =107480)

لحظـات من الولادة إلى الممــات... (http://www.khaleejsaihat.com/vbo/showthread.php?t =113351)

تحياتي

يافا
06-19-2011, 05:46 PM
عجيبين أهل لول .. !!:yahoo_silly:

بس مو كأن العسو مايطقووون بيه ..!

يقولون ان ييب الينانوه ويخلي والواحد يصادف هع

هم اللي يقولون مو أنا ..


تسسلم يـ المحاربْ ..
:)

عزف الأمل
06-19-2011, 07:52 PM
انا أكثر وحده حصلت ضرب من أمي لأني كنت معذبتنها طول اليوم حجايج وصياح بصراحه اعترف اني استحق الضرب على اللي اسويه في أمي ..
ووسائل الضرب اللي تسدخدمها ايدها بس .. وأكثر شي الفلوص لأن يطلع حرت القلب كلها ههههههه

بس لما كبرت صرت حنونه عليها وأخاف عليها بشكل جنوني .. تعويض عن الصغر

ايه صح جربت قلم القدو على خفيف لكن .. بس مو من أمي من الحريم اللي في العزيه يعصبون علي اذا لحقت أمي
لأني ضليت لازقه فيها حتى لما صار عمري 7 سنين :yahoo_silly:





يمكن لأني فاقدة أمي من أول ماوعيت على وجه هالدنيا..وكنت بحضن خواتي وحنان أبوي



الله كريم يخاذ منا شي ويعطينا أشياء .. صحيح حنان الأم ما يتعوض لكن أكييد حنان الأبو والخوات
مو بعيد عن حنان الأم .. الله يرحم والدتك ويطول بعمرك يا أروع أم ..



ومخلينهــا ع القارب ..

بجيــل كله ضارب ...

بيــن فاسـد وخارب...

بتحيــة أختــم لك يامحارب..

بحفظ الله وسلام يارب..

هذا كأن أسلوب أختي أم أيمن ما ادري ليش أحس تشبهينها بأشياء كثيره
صح السانك

:

" يظل الرجل طفلا حتى تموت أمه فإذا ماتت شاخ فجأة "..

وكلما كبر يحتاج لأمه أكثر وأكثر .. انا اشوف خواني رغم أنهم متزوجين وأولادهم رياييل لما يمرضون
ما يبرون الا لما يشوفون أمي تمسح على جبينهم وتقرأ لهم آيات .. الله يطول بعمر أمي وأمهات الجميع

:

المحارب يعطيك العافيه

:

المحارب الاخير
06-19-2011, 08:30 PM
اهلا بــ وردة المنتدى أخيتي هيلين

والله اهل لول كانوا يطقونا باي شي فاياديهم حتى لو بياله شاهي

اما بالنسبه للعسو فانا سمعت مثل هالكلام بس الشوف غير السمع

الله يرحم أهل لول يعني بعد هالضرب اللي ناكله واللي يخلي الياهل منا

يتدحن فالارض يجونك وبكل برودة دم ويطلبون منك حاجه مثلا قوم ود هالكيس

لبيت فلان او جيب ثيابنا من الخياط او روح جيب لنا خبز من الخباز

شكلهم يسمعون بالاحساس وما جربووووه,,,,,

خخخخخخخخخخخخخخخخخخ

يسلمك ويديمك أخيتي هيلين

المحارب الاخير
06-19-2011, 08:46 PM
اهلا باختي عزف الأمل

تو مانور المكان بطلتك الحلوه

على طاري العزيه لما كنت صغييييير كنت اروح مع الوالده السموعه

ويجوون اليهال والبنات الصغار يلعبون معاي لانهم يشوفون واحد مؤدب

وهادي وحليو وكاشخ ( مداح نفسه يالمحارب يبيله....) ويجوون يلعبون وياه

وكان عندهم ربيان هيا الى المدرسه مثلا أو يشربون داك الفيمتو المثلج

وبس يوسخون المكان يحصلون داك الدست والمحارب يجلس يوزع ابتسامات

وينقهرون فيني اليهال مادري ليش,,,

ههههههههههههههههههههه


وقلم القدو لول يضربونا فيه الحين صار عزيز وغالي

وارتفع سعره وقلة جودته حسب كلام الحريم

وحتى التتن ارتفع سعره اصلا دبة القدو صارت أغلى من العيال والاحفاد

لبعض الحريم الكبار وسموعه من دون قدو ما يسمونها سموعه

خخخخخخخخخخخخخخخ

تصدقين يا عزف الأمل اني اذا تأخرت برا البيت امي على طول تدق تطمن علي

وانا اقولها ترى انا مو صغير حتى تخافين علي بس اكون من داخلي فرحان باهتمامها

وساعات اسأل نفسي بكره اذا تزوجت باحصل انسانه تحبني وتخاف علي

مثل أمي,, والله ما ظنيت أبد,, الأم ما يعوضها ولا يحل مكانها أحد

يسلمك ويديمك أخيتي

لا خلا ولا عدم

روح الولايه
06-20-2011, 03:56 AM
عزف الأمل
الله يرحم والدتك ويطول بعمرك يا أروع أم ..


ياهلا عـزف الأمل

الله يرحم والدي والديكِ ....والله يسلمك يارب.....ياقلبي أنتِ الأروع..

صحيح..يقولون إلا يجنن أمه وهو صغير بعدين يحــن عليها أكثر...الله يخليها لك يارب

دايمـاً أقــول للبنت والولـد ..

الأم لو تحط الولد تحــت الجلـد..

درة وثــمينــة تبقــى للأبد...


هذا كأن أسلوب أختي أم أيمن ما ادري ليش أحس تشبهينها بأشياء كثيره
صح السانك



ياقلبي أختـك ارتـاح لما أشوفهـا...

في أشخـاص حتى لو أول مرة تشوفينهـم كأنك من زمـان تعرفيهـم....

هـذا يسمونـه الإتصـال الروحي ....و,,,و,,,,و,,,

العفــو أخي المحـارب الاخير

موضوعـك راح نستضيف فيــه علمــاء نفس

و إلا يدخل يطلـع إلا بنفسـه ....



المحارب الاخير
وساعات اسأل نفسي بكره اذا تزوجت باحصل انسانه تحبني وتخاف علي

مثل أمي,, والله ما ظنيت أبد,, الأم ما يعوضها ولا يحل مكانها أحد




الله يرزقك الزوجة الصالحة.....وأكيد مافي أحـد يعوض عن حنان الأم

الله يخلي أمهــات الجميــع يارب

عزف الأمل
06-20-2011, 04:18 AM
ياهلا عـزف الأمل

الله يرحم والدي والديكِ ....والله يسلمك يارب.....ياقلبي أنتِ الأروع..

:

ياقلبي أختـك ارتـاح لما أشوفهـا...

في أشخـاص حتى لو أول مرة تشوفينهـم كأنك من زمـان تعرفيهـم....

هـذا يسمونـه الإتصـال الروحي ....و,,,و,,,,و,,,


يسلم قلبك الطيب وكلماتك الشفافه اللي دوم تسعدني

:

صحيح..يقولون إلا يجنن أمه وهو صغير بعدين يحــن عليها أكثر...الله يخليها لك يارب

ويخليك يارب .. اوقات لما تشوف كثر حناني لها تصيح :yahoo_youkiddingme:
وتقولي حلليني لأني كنت قاسيه عليك وانتي صغيره .. الأم انسانه عظيمه لو نفديها بروحنا ما نطلع من جازاها ..

حلا والحلا كله
07-24-2011, 11:35 PM
يعطيك العافيهـ ع الطرح,,,بس انا صحيح حصلت ضرب بس مو من امي او ابوي من مرت خالي كح واكثر شي تفلص وتمقع الاذن...

خليجي الناصر
07-25-2011, 01:04 AM
يعطيك الف عاااافيه

محبه لأهل البيت
07-25-2011, 02:26 AM
يعطيك العافية أخي المحارب
صحيح لول حصلنا ضرب مو طبيعي للحين ما ننساه
أنا البكر لأمي و"أبوي الله يرحمه "وكانوا يحملوني المسؤلية في كل شيء
حتى لما اخواتي يتهاوشون أبوي يجي يضربنا وانا أولهم مع ان مالي ذنب
ولما أنام في بيت جدي أوبيت عمتي طول الطريق وأنا راجعة خايفة وأرتجف
من الضرب اللي بحصله وصحيح على خوفي ما أوصل الا أبوي عالباب وعينك ماتشوف الا النور
ومرة ولواني طولت عليكم ضربني أبوي الله يرحمه بعصاة المخمة الين اتكسرت
وظليت نايمة في المرقد يومين ماأقدر أقوم حتى نسوان العزية ايجون يمسحون علي
طبعا الجسم بقع بنفسجي على أخضر لكن حبنا لأبوي يزيد مايقص

عزف الأمل
07-25-2011, 04:29 AM
طبعا الجسم بقع بنفسجي على أخضر لكن حبنا لأبوي يزيد مايقص

سبحاآآن الله .. ذكرتيني ببنت اختي عمرها 5 سنين
مره امها طقتها طق .. لما قلت لها خلاص غيري الماما ولا تحبينا
ما اشوفها الا تصرخ بوجهي تقول لا هذي ماما انا احبها وما ابغى أم غيرها :yahoo_silly: